ရခိုင်ပြည်နယ်ရှိ ညမထွက်ရအမိန့်အား (၁၀)ရက်အတွင်း ပြန်လည်သုံးသပ်ဖွယ်ရှိနေ

မိုးဝေ(မြစ်မခ)
by Myit Makha Mediagroup on 24 Jul, 2012

ရခိုင်ပြည်နယ်တွင် ဖြစ်ပွားခဲ့သည့် ပဋိပက္ခများကြောင့် ဇွန်လ (၁၀)ရက်နေ့ကတည်းက ထုတ်ပြန်ထားသော ညမထွက်ရအမိန့်အား ဇူလိုင်လ(၂၃)ရက်နေ့မှစ၍ လာမည့်(၁၀)ရက်မြောက်နေ့အတွင်း ပြန်လည်သုံးသပ်မည်ဟု သိရှိရသည်။

 ----------------------------------------

  ရခိုင်ပြည်နယ်ရှိ စစ်တွေ၊ ရသေ့တောင်၊ ဘူးသီးတောင်၊ မောင်တော ၊ ရမ်းဗြဲ ၊သံတွဲ မြို့နယ်တို့တွင်ည (၆)နာရီ မှ နံနက်(၆)နာရီအထိ ည မထွက်ရအမိန့်ထုတ်ပြန်ထားခြင်းဖြစ်သည်။

 

”ည မထွက်ရ အမိန့်နဲ့ပတ်သက်လို့ နောက်  (၁၀)ရက်နေ့မှာ အမိန့်တစ်ရပ်ထုတ်ပြန်မှာပါ”ဟု ရခိုင်ပြည်နယ် ဥပဒေအရာရှိချူပ် ဦးလှသိန်းက ပြောသည်။

  ပဋိပက္ခဖြစ်စဉ်များကာလမှစ၍ ညမထွက်ရ အမိန့်ထုတ်ပြန်ပြီး နောက်ပိုင်း အဆိုပါအမိန့်ကြောင့် မြို့နယ် အသီး သီးတွင် ဖမ်းဆီးခံသူများလည်းရှိကြောင်း သိရှိရသည်။

 

ညမထွက်အရ အမိန့်ထုတ်ပြန်ပြီးသည်မှစ၍ ဇူလိုင်လ(၂၃)ရက်နေ့အထိ ရခိုင်ပြည်နယ် မြို့နယ်အသီးသီးတွင် ၄င်းအမိန့်ကြောင့် ဖမ်းဆီးခံရသူ စုစုပေါင်း (၈၇၂) ဦးရှိကြောင်းကိုလည်း သိရှိရသည်။

 

ဖဖ်းဆီးခံရသူများမှာ စစ်တွေမြို့တွင် (၁၃၆)ဦး၊ ရသေ့တောင်တွင် (၁၈၁) ဦး၊ ကျောက်တော်တွင် (၁၈)ဦး မင်းပြားတွင်(၄)ဦး၊  မောင်တောတွင် (၄၉၃) ဦး၊ ဘူးသီးတောင် (၃၅) ဦး၊ သံတွဲ (၄)ဦးနှင့် ကျောက်ဖြူ တွင်(၁)ဦး တို့ဖြစ်ပြီး ၄င်းတို့အား  ပြစ်မှုဆိုင်ရာဥပဒေပုဒ်မ(၁၈၈)အရ အမြင့်ဆုံးထောင်ဒဏ် (၆)လအထိ ကျခံရနိုင်ကြောင်း ဦးလှသိန်းထံက သိရှိရသည်။

----------------------------------- 

http://www.myitmakhamediagroup.com/detail.php?newid=1960