(VOA) မှ ဦးကျော်ဇံသာ၏ မျက်မှောက်ရေးရာ ဆွေးနွေးခန်း (ရခိုင်အရေးအခင်း)

ရခိုင် - ကမန် အကြမ်းဖက် ပဋိပက္ခ

07.11.2012

ဒီတပတ် မျက်မှောက်ရေးရာ ဆွေးနွေးခန်းမှာ ကာလကြာရှည်စွာ အတူရှင်တွဲ နေထိုင်လာခဲ့တဲ့ ရခိုင် လူမျိုးတွေနှင့် တိုင်ရင်းသား ကမန်တွေကြားမှာ ဘာကြောင့် အကြမ်းဖက်မှုတွေ ဖြစ်ခဲ့ရပါသလဲ။ ဒီကိစ္စနှင့်ပတ်သက်ပြီးတော့ ပြီးခဲ့တဲ့သတင်းတပတ်က ကမန်အမျိုးသားတစ်ဦးနှင့် မေးမြန်းခဲ့သလို အခုတပတ်မှာတော့ ရခိုင်အမျိုးသား ဦးဘချမ်းဖြူ နှင့် ဦးကျော်ဇံသာက ဆွေးနွေးသုံး သပ်ပြထားပါ တယ်။

ဦးကျော်ဇံသာ ။ ။ ကျနော် ပြီးခဲ့တဲ့အပတ်တုန်းက ကျနော်ရဲ့  မြန်မာ့အရေးသုံးသပ်ချက်မှာ ကျောက် နီမော်က ကမန်အမျိုးသားတစ်ဦးကို ဆက်သွယ်မေးမြန်းခဲ့ပါတယ်။ ရခိုင်ပြည်မြောက်ပိုင်းမှာ ဖြစ်နေတဲ့ ပဋိပက္ခဟာ ရခိုင်ပြည်အလယ်ပိုင်း တောင်ပိုင်းဘက်ကိုပါ နည်းနည်းကူးစက်လာမည့် သဘောတွေ့နေ ပါတယ်။ 

အလယ်ပိုင်းဖြစ်တဲ့ ကျောက်ဖြူဘက်၊ ကျောက်နီမော်ဘက်မှာဆိုလည်းပဲ ပြင်းပြင်းထန်ထန် ဖြစ်ပျက်လာတာ တွေ့ရပါတယ်။ ဆိုတော့ အစက ကျနော် နားလည်ထားတာက ဒါဟာ ရခိုင်တွေက ဟိုဘက်ကဝင်လာတဲ့ ဘင်ဂါလီ မွတ်စလင်တွေနှင့် ဖြစ်တဲ့ကိစ္စက မြောက်ပိုင်း ကလို့ ထင်တယ်။ တ ကယ်တော့ ရခိုင်ပြည် အလယ်ပိုင်း၊ တောင်ပိုင်းမှာရှိတဲ့ ကမန်တွေကတော့ ရခိုင်တိုင်းရင်းသား စာရင်းထဲမှာလည်း ပါပြီးသားဖြစ်တယ်။ သူတို့နှင့် ပဋိပက္ခ သိပ်မရှိဘူးလို့ ကျနော်က အရင်က နား လည်ထားပါတယ်။ အခု ဘာကြောင့် အဲဒီလို ကူးစက်လာတယ်လို့ ထင်ပါသလဲ။

ဦးဘချမ်းဖြူ ။ ။  ဒီကိစ္စကတော့ အထူးသဖြင့် ကမန်တွေက နည်းနည်းတာဝန်ရှိတယ်လို့ပဲ ပြောရမလား မသိဘူး။ ဘာဖြစ်လို့လဲဆိုတော့ ရခိုင်တွေနှင့် ဘင်ဂါလီတွေနှင့် ဖြစ်တဲ့ကိစ္စက တဘက်နိုင်ငံသားက ကျူးကျော်ဝင်ရောက်လာတဲ့ ဘင်္ဂါလီတွေနှင့် ရခိုင်တွေက ဖြစ်တာ။ ဖြစ်တဲ့နေရာမှာ ဘင်္ဂါလီတွေကို ကမန်က ဘာသာရေးကို အကြောင်းပြုပြီးတော့ သူတို့က နီးနီးစပ်စပ် လက်ခံတဲ့ ပုံစံမျိုးတွေ ဖြစ်နေတယ်။ တကယ်တော့ ကမန်က သူက ဒီတိုင်းရင်းသား ရခိုင်ထဲမှာ ပါနေပြီးပြီ။ တိုင်းရင်းသားအထဲမှာ ပါနေတဲ့အခါကြတော့ ဒီကျူးကျော်ဝင်ရောက်လာတဲ့ ဘင်္ဂါလီတွေကို ကာကွယ်ရမှာ ရခိုင်တင်မက ဒီ ကမန်တိုင်းရင်းသားတွေမှာလည်း တာဝန်ရှိတယ်။ အဲဒီအခါကြတော့ ကမန်တွေက ကာကွယ်မှုမပြုဘဲနှင့် ဒီလူတွေနှင့် ရင်းရင်းနှီးနှီး ဆက်ဆံပြီးတော့ ဒီလို လမ်းကြောင်းတစ်ခုကို ပူးတွဲပြီးတော့ နေထိုင်လာတဲ့အခါ ရခိုင်တွေက တဘက်တလမ်းက အမြင်သိပ်မရှင်းတော့တဲ့ ပုံစံမျိုးတွေ ဖြစ်လာလိမ့်မယ်လို ကျနော်ထင်တယ်။

ဦးကျော်ဇံသာ ။ ။ ကျနော် ပြီးခဲ့တဲ့အပတ်က ကမန်အမျိုးသားကို မေးတဲ့အခါတော့ သူတို့ကမန်တွေက ဘဂါင်္လီရိုဟင်ဂျာတွေကို လက်မခံပါဘူးတဲ့။ ရိုဟင်ဂျာဆိုတာကိုလည်း သူတို့က လုံးဝလက်မခံပါဘူးလို့ သူတို့ကပြောတာဘဲ။

ဦးဘချမ်းဖြူ ။ ။  တကယ်တကယ်တော့ ကမန်တိုင်းရင်းသားအနေနှင့် ဒီလိုဘဲ ရှင်းရှင်းလင်းလင်း ဖြစ်ရမယ်လေ။ ဘင်္ဂါလီတွေ ဟိုဟာက ရိုဟင်ဂျာတွေက သူတို့က ရိုဟင်ဂျာလူမျိုးဆိုတာလည်း ရခိုင်တွေက အသိမှတ်ပြု မထားဘူး။ ဘဂါင်္လီတွေကနေပြီးတော့  နာမည်တစ်ခုမွေးစားပြီးတော့ သူတို့က နိုင်ငံသား တိုင်းရင်းသား ဖြစ်ဖို့ကြိုးစားနေကြတာ။

ဦးကျော်ဇံသာ ။ ။ ဟုတ်ကဲ့။ ဒါပေမယ့် အဲလို ကြိုးစာမှုကို ကမန်တွေက သူတို့လည်း လက်မခံပါဘူးလို့ ပြောတယ်။ ကျနော့်ကို အဲနေ့က ပြောတဲ့ အခါမှာတော့။

ဦးဘချမ်းဖြူ ။ ။  လက်မခံဘူးဆိုပေမယ့် သူတို့က ဒီကျောက်နီမော် ဆိုတဲ့နေရာမှာ သူတို့တွေက အတူတကွ ရခိုင်နှင့် မဟုတ်ဘဲနှင့် သူတို့ ဒီကမန်နှင့်ဘဂါင်္လီက တော်တော်လုံးထွေးသွားတဲ့ ပုံစံမျိုးဖြစ်နေတယ်။ ရခိုင်ကသက်သက်။ ဘင်္ဂါလီကြတဲ့ အခါကြတော့ ကမန်တွေနှင့် ဘာသာရေးအရ နီးစပ်သွားတဲ့ ပုံစံမျိုးတွေ ဖြစ်နေတယ်။ အဲဒါကြတော့ အဲမှာ ရှုပ်ထွေးပြီးတော့ဖြစ်တဲ့ အခါကြတော့ ဘဂါင်္လီရယ် ကမန်ရယ်လို့ ခွဲခွဲခြားခြား မဟုတ်ဘဲနှင့် အဲလို ရောထွေးသွားတဲ့ ပုံစံမျိုးတွေ ဖြစ်သွားနိုင်တာပေါ့။

ဦးကျော်ဇံသာ ။ ။ အဲဒီတော့ ကျနော်ပြောမယ် ဦးဘချမ်းဖြူက အဲဒီဘက်က ဒေသခံတစ်ယောက် ဘဲဆိုတော့ ဦးဘချမ်းဖြူရဲ့  နေခဲ့တဲ့ဘဝမှာကော ငယ်ငယ်ကတည်းက အတူတကွ ရင်းရင်းနှီးနှီး ပေါင်းသင်းဆက်ဆံလာတဲ့ မိတ်ဆွေသူငယ်ချင်း ကမန်တွေ မရှိဘူးလား။

ဦးဘချမ်းဖြူ ။ ။  ငယ်ငယ်တုန်းကတော့ ကျနော်တို့က နယ်ဘက်မှာဆိုတဲ့အခါကြတော့ ကျနော်တို့ ကျောက်ဖြူမြို့  ကျနော်တို့က ကျောက်ဖြူမြို့  အလယ်ပိုင်းလောက်ကျတယ်။ ကလန်းတေရွာ။ အဲတော့ ကမန် အများစုနေတာက ကျနော်တို့ ဟိုဟာ နဂိုကဆိုလို့ရှိရင် ရမ်းဗြဲမြို့ မှာ အများဆုံးရှိတယ်လို့ သိရတယ်။ နောက်ပိုင်းမှာတော့ အလုပ်သဘောအရ ဒီဘက် ကျောက်နီမော်တို့မှာ ထွက်လုပ်ကြတာ ဖြစ်ပါလိမ့်မယ်။ အဲအခါကြတော့ ကျနော်တို့ ငယ်ငယ်တုန်းကဆိုလို့ရှိရင် ဒီကမန် နှင့် ရခိုင်နှင့် ပြဿနာ ဖြစ်တယ်လို့ကို ကျနော်တို့က မကြားဖူးဘူး။

ဦးကျော်ဇံသာ ။ ။ အဲမှာလည်းပဲ ခုနက ပြောတဲ့ ရမ်းဗြဲတို့ဘာတို့ ဘက်မှာလည်းဘဲ ရင်းရင်းနှီးနှီး နေကြ တာဘဲ။ မိတ်ဆွေသူငယ်ချင်းလိုမျိုး။

ဦးဘချမ်းဖြူ ။ ။  ဟုတ်တယ်။ သူတို့တွေ ရခိုင်ဘုန်းကြီးတွေကိုတောင်မှ သွားသွားလာလာ ရှိကြတယ် လို့ ကျနော်တို့က ကြားဖူးတယ်။ သူတို့က ရခိုင်စကားကိုပဲ ရမ်းဗြဲစကားကိုပဲ သူတို့က ပြောကြတယ်။ ကျနော်တို့နှင့် ဒီနိုင်ငံရေးအရ နီးစပ်ဘူးတဲ့သူတွေကလည်း ကျနော်တို့ကို ရင်းရင်းနှီးနှီးဘဲ သူတို့က ဆက်ဆံတာ။ ဒါပေမဲ့ သူတို့ထဲမှာ အဲလိုဘဲ ထိုးဖောက်ပြီးတော့ ဝင်ရောက်နေတဲ့သူတွေရှိတယ်တဲ့။ အဲဒါကို အုပ်စုတစ်စုက လက်ခံချင်တဲ့ ပုံစံရှိတယ်။ အုပ်စုတစ်စုက လုံးဝလက်မခံဘူးဆိုတဲ့ သဘောကို ကျနော်တို့ကို ပြောပြတာရှိတယ်။

ဦးကျော်ဇံသာ ။ ။ ဟုတ်တယ်။ အဲဒီတော့ လက်ခံချင်တဲ့အုပ်စု နှင့် လက်မခံချင်တဲ့အုပ်စု အကြား ကပြိုင်ဘက် ဖြစ်ရမှာ။ အခုဖြစ်တာက အကုန်လုံးနှင့် ရောပြီးတော့ ဖြစ်နေတဲ့သဘော တွေ့ရလို့ပါ။ ကျနော်က သိပ်အံ့အားသင့်မိတယ်။

ဦးဘချမ်းဖြူ ။ ။  ဒီဟာကတော့ ပြဿနာက တော်တော်လေးကို ကြီးသွားတယ်လို့ပြောရမှာပေါ့ဗျာ။ ဒါပေမဲ့ ဒီကိစ္စက ကမန်ကတော့ သူ့မှာ ဒီကမန် ပြဿနာတော့ မဟုတ်ဘူးဗျာ့။ တကယ့် တကယ် ဒီဟာက ဘင်္ဂါလီ ရိုဟင်ဂျာ မြေခံ ဘင်္ဂါလီတွေရဲ့  ပြဿနာပဲ။ ကမန်ကတော့ ဒီနေရာမှာ ရောထွေးပြီး တော့ ပါသွားလို့ ရှိရင်လည်း သူဟာသူ သက်သက်နေပေးသင့်တာပေါ့။ သူက ဒီနိုင်ငံသား တိုင်းရင်း သား ဖြစ်ပြီးပြီဆိုတဲ့ အဆင့်က နည်းတဲ့ အဆင့်မှ မဟုတ်တာ။

ဦးကျော်ဇံသာ ။ ။ ဟုတ်တယ်။ နိုင်ငံသားမှာမှ သူတို့ နှစ်ပေါင်းတာရှည်နေတာ။ နောက်ပြီးတော့ သံတွဲ ဘက်မှာ။ သံတွဲမှာတော့ ကျနော်က ကိုယ်တိုင်နေခဲ့ဖူးပါတယ်။ သံတွဲမှာဆိုရင် တစ်အိမ်က မွတ်စလင် အိမ်၊ ကမန်အိမ်၊ နောက် ဗုဒ္ဓဘာသာအိမ်။ နောက်ပြီး သံတွဲ ထူခြားချက်က ငကျော်တောင် ဘက်မှာ ဆိုရင် ခရစ်ယာန်တွေလည်း ရှိတယ်။ သံတွဲဟာ အင်မတန် ဘာသာရေးအရ သည်းခံခွင့် လွှတ်ပြီး တော့ ခွဲခြားမှုမရှိတဲ့ ဒေသတစ်ခုလို့ ကျနော် သတ်မှတ်ပါတယ်။ အခုအချိန်မှာကော အဲဘက်က ဖြစ်တယ်လို့တော့ မကြားဘူး။ ဒါပေမဲ့ လက်နက်တွေ တွေ့တယ် ဘာညာပြောတော့ အဲဒီဘက်ကို ကော ဘယ်လိုဖြစ်လာနိုင်တဲ့ အခြေအနေရှိလဲ။ အေးချမ်းချမ်းဘဲ ဆက်ပြီးတော့ နေနိုင်မယ် ထင်ပါ တယ်။

ဦးဘချမ်းဖြူ ။ ။  သိပ်စိတ်ချလို့ မရတဲ့ အခြေအနေမှာပဲ။ ကမန်ရယ် ဘဂါင်္လီရယ်လို မဟုတ်ဘူး။ ရခိုင်တွေကလည်း ဒီအချိန်မှာ စိတ်ချလက်ချ နေလို့ရတဲ့ အခြေအနေ မရှိဘူး။ ဘာလို့လဲဆိုတဲ့အခါ ဘယ်သူက စပြီးတိုက်လာမယ်ဆိုတာပြောလို့ မရဘူး။ ယုံကြည်မှုလုံးဝ ပျက်ပြယ်သွားတယ်။ အထူးသဖြင့်ကတော့ ဒီကိစ္စက အစိုးရမှာ ပိုပြီးတာဝန် ရှိလိမ့်မယ်လို့ ကျနော်က ထင်တာ။ ပြဿနာက ကြီးတယ်ဆိုပေမယ့် ဒီပြဿနာက မရှုပ်ဘူး။ ရှင်းရှင်းလေး။ နိုင်ငံခြားသား ကျူးကျော်ဝင်ရောက်လာတဲ့ သူတွေကို ဒီလို အသားလွတ်ကြီး နိုင်ငံသားလို ဘုန်းပေါလအော နေလို့ရတဲ့ အဆင့်မျိုးက ဒေသခံတွေကို ကျူးကျော်စော်ကားလာတဲ့အဆင့် ဆိုတဲ့ဟာက ဘယ်လိုမှ သည်းခံလို့ရတဲ့ အခြေအနေ မရှိဘူး။ အဲဒါကို နိုင်ငံတော်က စီစီစစ်စစ်နှင့် ခွဲခွဲခြားခြား ဆက်ဆံမယ်ဆိုလို့ရှိရင် ဒီပြဿနာ ဒီလောက်ကြီးမှာ မဟုတ်ဘူး။ အခုက တော်တော်လေး အခွင့်အရေးရသွားတဲ့ ပုံစံမျိုး ဖြစ်သွားတာပေါ့။

ဦးကျော်ဇံသာ ။ ။ အစိုးရဘက်ကကော ကျနော် ဟိုနေ့က ကမန်အမျိုးသားကို မေးကြည့်တော့ ၉၀ နောက်ပိုင်းမှာထင်တယ်။ ၉၀ နောက်ပိုင်းမှာ စပြီးတော့ ဟိုဘက်က ဘဂါင်္လီမွတ်စလင်တာမကဘူး ဟိုဘက်က ဝင်လာတဲ့သူကိုတောင်မကဘူး အရင် ဒေသခံဖြစ်နေတဲ့ ကမန်တိုင်းရင်းသားတွေကိုပါ ခရီးသွားလာခွင့် ပိတ်တာတို့ ဘာတို့ အဲလို တတန်းတစားတည်း သတ်မှတ်ပြီးတော့ ပိတ်ပင်တားဆီး မှုတွေ လုပ်လာခဲ့တယ်လို့ ပြောတယ်။

ဦးဘချမ်းဖြူ ။ ။  ဒီဟာကတော့ ကျနော်တို့ အတိအကျတော့ မသိဘူး။ ဟိုဘက်က ဘဂါင်္လီတွေက တော့ နိုင်ငံသားမှတ်ပုံတင်လည်း မရှိဘူး။ ခရီးသွားလာခွင့် ပိတ်ပင်ထားတယ်လို့ သိရတယ်။ ဒီ ကမန် ဘက်ကတော့ သူက တိုင်းရင်းသားလက်မှတ် ရပြီးသွားတဲ့အခါကြတော့ ဥပဒေကလည်း သူ့ကို ပိတ်ဆို့ဖို့ အကြောင်းမရှိဘူးလို့ ထင်တယ်။ အဲဒီတော့ ဒီကမန်အပိုင်းကို ကျနော် နားလည်တာကတော့ အထူးသဖြင့် အဲဒီ မော်ရဝီ လားတွေကနေပြီးတော့ ဘာသာရေးအရ လုံးဝဝင်ပြီးတော့ စည်းရုံးတယ်လို့ ကျနော်တို့ သိရတယ်။ နဂိုက သူတို့ဖြင့် ကမန်တွေဟာ မော်ရဝီက ဆိုရင် ……..ဘူး။ နောက်ပိုင်းမှာကတော့ ဒီရခိုင် ဗုဒ္ဓဘာသာတွေနှင့် ယဉ်ပါးမှု ကွာဟလာတဲ့ ပုံစံမျိုး။ ဘာသာရေးအရ ပေါ့ ဆက်နွှယ်ပြီးတော့ တော်တော် နီးစပ်သွားတဲ့ ပုံစံမျိုးပါပဲ။

ဦးကျော်ဇံသာ ။ ။ အဲဒါဘဲ။ ကျနော် အံ့အားသင့်နေတာက ဘာဖြစ်လို့ အဲဒီလို ဖြစ်သွားတာလဲ။ အဲဒီတော့ တကယ်လို့ နီးစပ်ချင်းနီးစပ်ရင် သူတို့က ပြောတယ်။ ကျနော်တို့ ဟိုဘက်က လာတဲ့လူကို လက်မခံဘူး။ ရိုဟင်ဂျာလည်း လက်မခံဘူး။ ဘင်္ဂါလီကိုလည်း လက်မခံပါဘူး။ ကျနော်တို့က တိုင်းရင်း သားပါလို့ ကိုယ်တိုင် သူတို့ပြောနေတယ်။ ဆိုတော့ ကျနော်ထင်တာ နားလည်မှု လွဲမှားတာတော့ ပါ ကောင်းပါမယ်ထင်တယ်။ တဖက်သက် အပြစ်ပြောတာထက်။

ဦးဘချမ်းဖြူ ။ ။  အဲဒါကလေ။ ဟိုမှာ ၉၀ခုနှစ် ရွေးကောက်ပွဲတုန်းကဆိုရင် အထူးသဖြင့် ဒီကမန် တွေက ရမ်းပြဲမှာဘဲ များများစားစား ရှိတယ်လို့ သိရတယ်။ စစ်တွေ ပတ်ဝန်းကျင်မှာဆိုရင် ဒီလောက် မရှိဘူးလို့ ထင်တယ်။ နည်းတယ်ပေါ့။ ဒါပေမယ့် ဒီရွေးကောက်ပွဲ ၉၀ ခုနှစ် ရွေးကောက်ပွဲမှာ မဲကို ထည့်တဲ့အခါကြတော့ ကမန်ပါတီက ဦးရွှေရ ဆိုတဲ့သူက အနိုင်ရသွားတယ်။ ရခိုင်ပါတီ နှစ်ခု မဲရှုံး သွားတယ်။ ရှုံးသွားတဲ့အခါကြတော့ အဲဒီ ကမန်တွေကို ဘယ်သူတွေက မဲထည့်လဲဆိုတဲ့အခါကြတော့ အဲဒီ ဘဂါင်္လီကုလားတွေက စုပြုံပြီးတော့ မဲထည့်လိုက်တယ်လို့ ကျနော်တို့က သိရတယ်။ အဲဒီတော့ ….. ဘာသာရေးအရ ဆက်နွယ်နေတဲ့ဟာကိုတော့ သူတို့ ငြင်းလို့မရဘူး။ အဲဒီတော့ ကမန်ဘက်ကို ကျနော် ပြောချင်တာကတော့ ကမန်ဟာ နိုင်ငံသား၊ တိုင်းရင်းသား ဖြစ်ပြီးပြီဆိုတော့ နိုင်ငံတော်နှင့် ရခိုင်ပြည်သူအပ်ါမှာ သစ္စာရှိသင့်တယ်လို့ ကျနော်တို့ ယူဆတယ်။ ဘာလို့လဲဆိုတော့ ကမန်တွေ တိုင်းရင်းသားဖြစ်မှုကို ရခိုင်တွေက ကန့်ကွက်တာ ကျနော်တို့က မတွေ့ရသေးဘူး။ ကမန်ကလည်း တကယ့် တကယ်ဆိုလို့ရှိရင် ဇာတိ သူတို့က တိုင်းရင်းသားမဟုတ်ဘူး။ ပြု့ တိုင်းရင်းသားပေါ့။ ပြောရ မယ် ဆိုလို့ရှိရင်။ အဲဒီတော့ ရခိုင်တွေနှင့် နိုင်ငံတော်အပေါ်မှာ သူတို့က သစ္စာစောင့်တည်းပြီးတော့ ကိုယ့်တိုင်းရင်းသားရရှိထားတဲ့ အခွင့်အရေးကို သူ ကာကွယ်ရမယ်လို့ ကျနော်တို့ ယူဆတယ်။ ဒီ ဘင်္ဂါလီ အရေးအခင်း ဆိုတာက ရခိုင်တစ်ခုတည်းမဟုတ်ဘူး။ အဓိကက ကမန်အပါအဝင် တစ်နိုင် လုံးနှင့်ဆိုင်တဲ့ အမျိုးသားရေးပြဿနာတစ်ရပ်လုိ့ ကျနော်တို့က မြင်ထားတယ်။

ဦးကျော်ဇံသာ ။ ။ အဲဒီတော့ အခု ဦးဘဂျမ်းဖြူ ပြောနေတာက ရခိုင်တွေဘက်ကကော ဘာမှပြောစ ရာ မရှိဘူးလား။ ရခိုင်တွေဘက်ကကော ပြန်ပြီးတော့ ဆင်ခြင်စရာ သုံးသပ်စရာ၊ သူတို့ကော ပြောစ ရာ ဘာမှမရှိဘူးလား။

ဦးဘချမ်းဖြူ ။ ။  ရခိုင်ဘက်ကတော့ အထူးသဖြင့်ကတော့ ကျနော်တို့ကတော့ အကြမ်းဖက် တိုက်ခိုက်မှုတွေကိုလုပ်တာ အထိုက်လျောက် ရိုင်းစိုင်းပြီးတော့ ဥပဒေအကြောင်းအရ ကျနော်တို့ ဖြေရှင်းတာကို ကျနော်တို့ လက်ခံရမယ်လေ။ ဒီအစိုးရ ပြောနေတဲ့ ၁၉၈၂ ခုနှစ် နိုင်ငံသားဖြစ်မှု ဥပဒေအရ သူတို့က စီစစ်မယ်ဆိုတဲ့ အကြောင်းအရာ ပြောထားတာရှိတယ်။ အဲဒီကိစ္စကို အစောအ လျင် ဖြေရှင်းနိုင်တာပေါ့။ အဲဒီတော့ ဒီမှာ ကျနော်တို့က ၁၉၈၂ ခုနှစ် ဥပဒေအရ ဖြေရှင်းမယ်လို့ ပြောနေတယ်ဆိုပေမယ့် အဲဒီနိုင်ငံတော်က သုံးနေတဲ့ဥစ္စာ ဒေသအတူနေ လူမျိုးစုတစ်စု ပဋိပက္ခ ဖြစ်နေတယ်ဆိုတဲ့ ပုံစံမျိုးတွေ အသုံးအနှုန်းတွေကြတော့ ကျနော်တို့ ဒါကို လက်မခံချင်ဘူး။ သူတို့ ဒေသခံတွေနှင့် တဖက်သတ် ကျူးကျော်ဝင်ရောက်လာတဲ့ နိုင်ငံခြားသားတွေ ဘင်္ဂါလီတွေနှင့် ကျနော် တို့က ဘဂါင်္လီအန္တရာယ်ကို ကျနော်တို့က ခုခံပြီးတော့ ကာကွယ်ပြီးတော့ တိုက်ခိုက်နေရတာ။ သူတို့ က မှီခိုပြီးတော့နေတဲ့အဆင့်ထက် ရိုဟင်ဂျာ တိုင်းရင်းသားဖြစ်ရေးဆိုတဲ့ဟာက အဓိက ဦးတည်ပြီး တော့ သူတို့က လုပ်နေတာ။ သူတို့က ဒီမှာ မှီခိုပြီးတော့ နေထိုင်ပါရစေဆိုတဲ့ ဒီ မှီခိုနိုင်ငံသားအ ဆင့်တောင် မဟုတ်ဘူး။ သူတို့တွေက။ အဲဒါတွေက အင်မတန် ရှင်းရလင်းရ ခက်တာပေါ့။

ဦးကျော်ဇံသာ ။ ။ဘဂါင်္လီနှင့် ပြဿနာကတော့ ရှင်းပါတယ်။ ဒါပေမဲ့ ကျနော်က ကမန်နှင့် ပြဿနာ အတွက် ဒီလို မေးမြန်းနေတာဖြစ်ပါတယ်။ ဆိုတော့ ကျနော် နောက်ဆုံးမေးချင်တာ ရှေ့ အလားအလာ နောင်ကို ကမန်နှင့်ပေါ့လေ။ ဘင်္ဂါလီကိစ္စကတော့ ထားလိုက်ပါတော့။ အစိုးရက ဒါ နိုင်ငံသားဥပဒေနှင့် ဘာညာ အတည်အကျ လုပ်ရမယ်။ ဥပဒေ စိုးမိုးမှုရှိဖို့လိုတယ်။ နယ်စပ်ကို လုံခြုံအောင် ပိတ်ရမယ်။ ဒါပေမဲ့ ကမန်နှင့် နောင်အခါမှာ ဆက်လက်ပြီးတော့ ငြိမ်းငြိမ်းချမ်းချမ်း နေနိုင်မယ့် အလားအလာကို ပြောပါဦး။

ဦးဘချမ်းဖြူ ။ ။ကမန်ကတော့ ကြားညပ်တယ်လို့လဲ ကျနော်က ထင်တယ်လေ။ ကမန်ကို တိုက်တဲ့ ရခိုင်တွေက တိုက်တယ်လို့ ကျနော်တို့က မယူဆဘူး။ အဲဒီတော့ ဒီမှာ မီးလောင်တဲ့ ပုံစံမျိုးပါ။ ရခိုင်၊ ကုလားရယ်၊ ကမန်ရယ်လို့ သူက ရွေးတာမဟုတ်တော့ပေမယ့် နီးစပ်ရာလောင်သွားတဲ့ ပုံစံမျိုးတွေ ဖြစ်နေတယ်။ လောလောဆယ်မှာတော့ အဲဒီ အရေးအခင်းလေးသာ သူတို့ ရှောင်တိမ်းပြီး နေကြတာ တော့ သူအတွက်ရဲ့  အကောင်းဆုံးပဲပေါ့။ နောက်ပိုင်းမှာကတော့ အနည်ကျသွားတဲ့အခါကြတော့ သူ တို့ ရရှိထားတဲ့ တိုင်းရင်းသားအရေးတွေ သူ့ဟာသူ ဒီအတိုင်းဘဲ ရှိလိမ့်မယ်လို့ထင်တယ်လေ။ ဒါပေ မယ့် တချက်ရှိတာကတော့ ကျနော်တို့ဘက်ကတော့ ကျနော်ရဲ့  ပုဂ္ဂိုလ်ရေးအမြင်နှင့် ပြောရမယ် ဆို လို့ရှိရင်တော့ ဒီတိုင်းရင်းသား ရခိုင်တိုင်းရင်းသားဖြစ်မှုကို သူတို့က၊ တနည်းအားဖြင့်ဆိုလို့ရှိရင် ဒီ စည်းကမ်းစောင့်ထိန်းမှုပေါ့။ တဘက်ကဝင်လာတဲ့ လူတွေနှင့် လက်ခံမှု မပြုလုပ်ဖို့တော့ သူတို့ လိုလိမ့် မယ်လိုတော့ ထင်တယ်။

ဦးကျော်ဇံသာ ။ ။ ဒီကိစ္စမှာ ကျနော် နောက်ဆုံးပြောချင်တဲ့အချက်ကတော့ ကမန်နှင့် ရခိုင်ကိစ္စမှာ ကတော့ ရခိုင်လူများစုပါ။ ကမန်က လူနည်းစုဖြစ်ပါတယ်။ အဲဒါကိုလည်း ထည့်တွက်ဖို့လိုမယ် မထင် ဘူးလား။

ဦးဘချမ်းဖြူ ။ ။  ကမန်က လူနည်းစုဖြစ်သည့်အတွက်ကြောင့် ကျနော်တို့ ရခိုင်ဒေသကို ရခိုင်လူမျိုးကို ဒုက္ခမပေးနိုင်ဘူးလို့ ကျနော်တို့က မြင်တယ်။ ကျနော်အနေနှင့် ကန့်ကွက်စရာ အကြောင်းမရှိဘူး။ ဒါပေမယ့် ခုနက ပြောသလိုပေါ့ လူနည်းစုဆိုပေမယ့် ဘာသာတူနေတဲ့အခါကြတော့ ဘင်္ဂလီတွေကို လမ်းကြောင်းပေးမှုကတော့ ကျနော်တို့က ဒါကိုတော့ ကမန်နိုင်ငံသားဖြစ်မှု တိုင်းရင်းသားဖြစ်မှုက တော့ ကျနော်တို့က ထည့်ပြီးတော့ စဉ်းစားရမယ့် ပုံစံမျိုးတွေ ဖြစ်နေတယ်။

ဦးကျော်ဇံသာ ။ ။ အဓိကကတော့ တဘက်ကနေပြီးတော့ ဘာသာရေးကို အကြောင်းပြပြီးတော့ ထိုး ဖောက် ဝင်ရောက်လာတယ်။ ရခိုင် နှင့် ကမန် နှစ်ပေါင်းများစွာ အတူနေလာတာကို သူတို့ဝင်ပြီး သွေး ခွဲပြီးတော့ ဟိုဘက်ကို ဖယ်ထုတ်ဆိုတဲ့ သဘောပေါ့။

ဦးဘချမ်းဖြူ ။ ။  အဲဒါတော့ သေချာတယ်။ အဲဒါ ကမန်တွေကလည်း သိနေတယ်။ သိနေတယ်ဆိုပေ မယ့် တချို့  ကမန်တွေကတော့ ဒီဘာသာရေးက အထူးသဖြင့် ပြောရမယ်ဆိုလို့ ရှိရင်တော့ ဒီ အစ္စ လာမ်ဘာသာကလည်း ဘာသာရေးအရ အင်မတန်ကို သွေးနီးတယ်ဆိုတဲ့ ပုံစံမျိုးတွေ ကျနော်တို့တွေ့ ရတယ်။

http://burmese.voanews.com/content/news-analysis-kaman-rakhine/1541636.html

----------------------------------------------- 

ရခိုင်ပြည်နယ်အတွင်းက ကမန်လူမျိုးစု

ဦးကျော်ဇံသာ

31.10.2012

ဒီတပတ် မြန်မာအရေး မျက်မှောက်ရေးရာ ဆွေးနွေးခန်းမှာ ကမန်တွေဟာ အနည်းဆုံး ရခိုင်ပြည်၊ မြောက်ဦးခေတ်ကတည်းက ရခိုင်လူမျိုးတွေနှင့်အတူ နေထိုင်လာခဲ့ကြဆိုတာ သမိုင်းအထောက် အထားတွေ ရှိပါတယ်။ ဒီလို ရာစုနှစ်နှင့်ချီ ယှဉ်တွဲနေထိုင်လာကြတဲ့ လူတွေကြား အကြမ်းဖက်မှုတွေ ဖြစ်ပေါ်နေကြတာကို ဘယ်လို တားဆီးသင့်ပါသလဲ။ ရခိုင်ပြည် အလယ်ပိုင်းက ကမန်အမျိုးသားတစ် ဦး နှင့် ဦးကျော်ဇံသာက ဆွေးနွေးသုံးသပ်ထားပါတယ်။

ဦးမောင်မောင်တင်။ ။ဘယ်လိုဖြစ်လဲဆိုတော့ဗျာ။ မနေ့ညကပင် ကျနော်က ရင်တမမနှင့် သူတို့ဝင်လာ မယ်၊ ဝင်လာမယ်ဆိုတာကို စိုးရ်ိမ်ကြောင့်ကြပြီးတော့ တညလုံး ကျနော် အိပ်မရဘူး။ နောက်ပြီး ကျ နော်တို့ ရွာထဲမှာရှိတဲ့ ကလေးတွေ၊ အမျိုးသမီးတွေ၊ အဘွားကြီးတွေ၊ အဘိုးကြီးတွေ အားလုံး အိမ်တွေထဲမှာ သူတို့လာမယ်၊ လာမယ်၊ ဝင်မယ်၊ ဝင်စီးမယ် အကြမ်းဖက်မယ်ဆိုတာကိုပဲ ရင်တမမနှင့် ကျနော်တို့ စောင့်ရင်းစောင့်ရင်း ကျနော်တို့ အိပ်ပျော်သွားခဲ့တယ် ခဏလေးပေါ့လေ။ မနက်မိုးလင်း လောက်မှ နည်းနည်းလေး အိပ်ပျော်သွားခဲ့တယ်။ မနက် (၇) နာရီကျော်လောက်၊ (၇) နာရီ (၅) မိနစ် နှင့် (၁၀) မိနစ်ကြားလောက်မှာ အသံတစ်ခုကြားတာက ဝင်လာပြီးဆိုတဲ့ အသံကြားလိုက်တယ်။ အဲဒီတော့ ဘာဝင်လာသလဲ ကျနော်တို့ ကျောက်ထရံက လမ်းကြောင်းပေါ်သွားကြည့်တော့ လူအုပ်စု က အများကြီး သူတို့ရခိုင်လူမျိုးတွေပေါ့။ အဲဒီ အုပ်စုက ဘယ်ကလာသလဲဆိုတော့ ကျနော်တို့ ကျောက်နီမော်။ ကျောက်ထရံရဲ့  အစွန်းအဖျားဖက်မှာရှိတဲ့ ကျေးလက်တောရွာတွေဖြစ်တဲ့ ရမ်းဗြဲ နယ်တိုင်းနယ်လို့ ခေါ်တာပေါ့ အဲဒီတိုင်းနယ်က ကျေးရွာသေးသေးက လူတွေ ရခိုင်လူမျိုးတွေ ပေါ့။ (၂၁) ရွာက လူတွေလို့လည်း ထင်ရတယ်။ ဒါပေမဲ့ နှစ်ဆယ့်တစ်ရွာက လူတွေကို စည်းရုံးပြီး ခေါ် လာတယ်ဆိုတာကတော့ ဒါကတော့ သေချာပေါက် ဖြစ်မယ်လို့ ကျနော် အောက်မေ့ရတယ်။ လူအုပ်ကြီးက အများကြီးပဲ။

ဦးကျော်ဇံသာ။ ။ ဘယ်သူက စည်းရုံးပြီးတော့ ခေါ်လာတာလဲ။

ဦးမောင်မောင်တင်။ ။ သူတို့စည်းရုံးပြီးတော့ ခေါ်လာတဲ့ လူတွေထဲမှာတော့ ခေါင်းဆောင်တွေကတော့ သူတို့ ဒီအကြမ်းဖက်၊ အကြမ်းနည်းနှင့် တိုက်ခိုက်မယ်ဆိုတဲ့ ခေါင်းဆောင်တွေကတော့ ရှိမှာပေါ့ဗျာ။ အဲဒီ ခေါင်းဆောင်တွေကတော့ ကျနော် မပြောချင်ပါဘူး။ ပြောရင်လည်း တဖက်သတ် ကျနော် ရန်မှု ခံပြီး ရန်သူအဖြစ်နဲ့ ရန်မှုခံရမှာကိုလည်း စိုးရိမ်ရတယ်။

ဦးကျော်ဇံသာ။ ။ ဦးမောင်မောင်တင် ကျနော် တခု သိချင်တာက ကျနော်လည်း ရခိုင်ပါဗျာ။ ဒါပေမယ့် ကျနော်တို့ ငယ်ငယ်တုန်းကတော့ ကျနော့်အဖေ ရမ်းဗြဲတို့ ဘာတို့မှာ ကျောင်းဆရာ လုပ်ခဲ့တယ်။ အဲဒီ က ဆရာကြီးဦးဖိုးရင်ဆိုတာ ကမန်လူမျိုးပဲ။ ဆွေမျိုးလိုပဲ။ ကျနော်တို့ မြောက်ဦးမှာ လာနေတယ်။ အခု ဘယ်လိုကြောင့် ကမန်တွေနှင့် ရခိုင်တွေ ရန်ဖြစ်ရသလဲ။ ဘယ်လိုကြောင့်။ အရင်က ချစ်ချစ်ခင်ခင် နေ လာတာပဲ။

ဦးမောင်မောင်တင်။ ။ ဟုတ်တယ်ဗျာ။ ကျနော်တို့လည်း အဲဒါ စဉ်းစားရခက်တယ်။ ကျနော်တို့  အေးအ တူပူအမျှ၊ ဥမကွဲသိုက်မပျက်၊ ချစ်ချစ်ခင်ခင် ရင်းရင်းနှီးနှီး ကူးလူးဆက်ဆံမှုတွေ၊ ရောင်းဝယ်ဖောက် ကားမှုတွေရော၊ ဒီလူမျိုးတွေနှင့် ကျနော်တို့ ဗုဒ္ဓဘာသာလူမျိုးတွေနှင့် ရခိုင်လူမျိုးတွေနှင့် ကျနော်တို့ အစ္စလာမ်ဘာသာကို ကိုးကွယ်တဲ့ ရခိုင်မျိုးနွှယ်စုနှင့် ကမန်တိုင်းရင်းသားတွေနှင့် ညီလိုအကိုလို နေ လာလူတွေပါ။ အခုမှ သူတို့က ဘာကြောင့် ကျနော်တို့အပေါ်မှာ ဒီလို ရန်သူမျိုးလို ထင်လာရတယ်ဆို တာကို ကျနော်တို့က နားမလည်နိုင်တဲ့အဆင့်ထိ သံသယ ဖြစ်ရပါတယ်။

ဦးကျော်ဇံသာ။ ။ ကျနော်က အဓိက အဲဒါကို ဖော်ထုတ်ချင်တာ။ ဘာဖြစ်လို့ ရန်မူသွားကြတာလဲ။ ကျ နော်တို့နောက် ကျနော်တို့ ကျောင်းမှာနေလာတဲ့ အခါမှာလည်း ကျနော်တို့ ကျောင်းအတူတူ သွားကြ တယ်။ ကျနော်တို့ တက္ကသိုလ်ရောက်သွားတော့လည်း ခင်ဗျာတို့ဆီကဘဲ အဲဒီ ကျောက်နီမော်က လူ တွေ ရခိုင်အသင်းမှာ အတွင်းရေးမှုး တက္ကသိုလ်မှာ လုပ်ကြတယ်။ ချစ်ချစ်ခင်ခင်ပဲ။ အခု ဘာကြောင့် ဖြစ်သလဲ။ ကျနော်အဓိက အဲဒါကို ဖော်ထုတ်ချင်တယ်။

ဦးမောင်မောင်တင်။ ။ အဲဒါ သူတို့က အကြောင်းကြားတာကတော့ ဒီမေလ၂၈ နေ့က ဖြစ်ခဲ့တဲ့ မသီတာထွေးကိစ္စနှင့် ပတ်သက်ပြီးတော့ ဒါတွေကိုတော့ သူတို့က အကြောင်းခံပြီးတော့ ပြောနေတာ ပေါ့။

ဦးကျော်ဇံသာ။ ။ ဒါက ရာဇဝတ်မှုပဲ။ ဘာသာရေးနှင့် ဘာမှ မဆိုင်ပါဘူး။ အဲဒါကတော့ ရာဇဝတ်မှုကို အဲဒီ ဘယ်သူ၊ ဘယ်ဘာသာ၊ ဘယ်ဘာသာ ဆိုတာ ထည့်ပြောစရာကို မလိုတဲ့ကိစ္စပါ။

ဦးမောင်မောင်တင်။ ။ ကျနော် ထင်သလောက်ဆိုရင်တော့ ဒီနေရာမှာ ပါတီတွေရဲ့  ဂယက်တွေလည်း အများကြီးပါမယ်လို့ ကျနော်ထင်ပါတယ်။ အဲဒီ အဖွဲ့အစည်းက ဒီ လှုပ်ရှားနေတဲ့ လူတွေမရှိရင်လည်း  ဒီလို ရာဇဝတ်မှုတစ်ခု ဒီလောက် ရခိုင်ပြည်နယ်ကြီး တစ်ခုလုံး ပြာကျဆင်းရဲသွားလောက်အောင် အသည်းအသန်နှင့် တကယ့်နောက်ကွယ်က ကန့်လန့်ကာနောက်ကွယ်ကလူ အကြီးအကဲတွေ မရှိဘဲနှင့် ဒါတွေတော့ ဖြစ်နိုင်မယ်လို့ ကျနော်မထင်ပါဘူး။

ဦးကျော်ဇံသာ။ ။ ကျနော်လည်း အဲဒါစဉ်းစားမိတာ။ အဲဒီတော့ ဦးမောင်မောင်တင် ကျနော် တခုမေးချင်တာက ကျောက်နီမော် မဲဆန္ဒနယ် ရှိသလား။

ဦးမောင်မောင်တင်။ ။ ရှိပါတယ်။

ဦးကျော်ဇံသာ။ ။ အဲဒီ ကျောက်နီမော် မဲဆန္ဒနယ်က လွှတ်တော်အမတ်တွေက ဘယ်သူတွေလဲ။

ဦးမောင်မောင်တင်။ ။ ကျောက်နီမော် မဲဆန္ဒနယ်က ပြည်ခိုင်ရုံးပါတီကတော့ ကျနော်တို့ ကျောက်နီ မော် မဲဆန္ဒနယ်က ဒီလိုပါ ရမ်းဗြဲမြို့ နယ် အမှတ် (၂) မဲဆန္ဒနယ်ပါ။ အမှတ် (၂) မဲဆန္ဒနယ်မှာတော့  ပြည်ထောင်စု ကြံ့ခိုင်ရေးဖွံ့ဖြိုးရေးပါတီအတွက် ပြည်နယ်တိုင်းဒေသကြီးအတွက် လွှတ်တော်ကိုယ် စားလှယ်က အခုလက်ရှိ လမ်းပန်းဆက်သွယ်ရေးမှာ ဝန်ကြီးဖြစ်နေတဲ့ ဗိုလ်မှုးကြီးဦးကျော်ခင်၊ ရခိုင် တိုးတက်ရေးပါတီမှာကြတော့ ရခိုင်တိုးတက်ရေးပါတီရဲ့  ပုဂ္ဂိုလ်အမတ်လောင်းကြတော့ ကျနော် မမှတ်မိဘူး။ နောက်တစ်ယောက် ကျနော်တို့ အစ္စလာမ်ဘာသာ ကမန်အမျိုးသားတိုး တက်ရေးပါ တီမှာကြတော့ ဦးထွန်းမြင့်ပါတယ်။

ဦးကျော်ဇံသာ ။ ။ အဲဒီတော့ ပြည်နယ်လွှတ်တော်အတွက် ကမန်ကိုယ်စားလှယ်လည်း ပါတယ်။ သူတို့တွေကကော ပါတီအချင်းချင်း လွှတ်တော်မှာ ပါတီအချင်းချင်း လက်တွဲလုပ်နေကြလား။ သူတို့အချင်းချင်း ညှိနှိုင်းဖြေရှင်းဖို့ ထိန်းသိမ်းဖို့ ကြိုးစားတာကော မရှိဘူးလား။

ဦးမောင်မောင်တင် ။ ။ အဲဒါတော့ အာဏာရပါတီကတော့ လောလောဆယ် ပြည်ထောင်စုကြံ့ခိုင်ရေး  ဖွံ့ဖြိုးရေးပါတီနှင့်၊ ဒုတိယပါတီကတော့ ကျနော်တို့ ရခိုင်တိုးတက်ရေးပါတီ၊ တတိယ လုံးဝ မဲအပြည့်ရ တာကတော့ ကမန်အမျိုးသားတိုးတက်ရေးပါတီ ဖြစ်တယ်။ ဒီနေရာမှာ နောင် election တွေမှာ ရခိုင် မျိုးချစ်စိတ်ဓါတ်တွေကို မွေးမြူးပြီးတော့ ရခိုင်ပြည်နယ်မှာ ဘယ်ပါတီကိုမှ အလိုမရှိလောက်အောင် ဒီဟာ နည်းတစ်မျိုးမျိုးနှင့် သူတို့တွေရဲ့  စိတ်ဓာတ်တွေကို အမျိုးသား၊ အမျိုးသမီးအာလုံးကို တက် တက်ကြွကြွနှင့် ရခိုင်တိုးတက်ရေးပါတီ သော်လည်းကောင်း၊ ရခိုင်ဒီမိုကရက်တစ်ပါတီသော် လည်း ကောင်း၊ နှစ်ခုစလုံးကို ပူးပေါင်းပြီးတော့ ဘယ်ကြံ့ခိုင်ရေးပါတီကိုပဲဖြစ်ဖြစ်၊ အမျိုးဒီမိုကရေစီပါတီဝင် ပဲဖြစ်ဖြစ် ဘယ်သူကိုမှ မပေးစေချင်တဲ့ သဘောမျိုးများ ရှိကောင်းရှိမလားဆိုတာကိုလည်း ကျနော်တို့ တွေးတောမိပါတယ်။

ဦးကျော်ဇံသာ ။ ။ ကျနော် တခုထင်တာကတော့ ကမန်ဆိုတာကတော့ ရခိုင်ပြည်မှာ ကမန်ဆို တဲ့နာမည် ကိုယ်နှိုက်ကလည်း ဂုဏ်ယူစရာကောင်းတဲ့ နာမည်ပါ။ လေးပစ်တဲ့ လေးသည်တော်တွေ၊ ရခိုင်ဘုရင်တပ်မှာ အမှုထမ်းခဲ့တဲ့ စစ်သည်တော်ကောင်းတွေဆိုတဲ့ နာမည် တလေးတစား ခေါ် ဝေါ်ခံယူတဲ့ နာမည်ဖြစ်ပါတယ်။ နောက် ကမန်လူမျိုးတွေမှာ ဘာသာရေးကလွဲရင် ဘာသာစကား လည်း ရခိုင်စကားပဲ ပြောကြတာပဲ။ ရခိုင်လိုပဲ ဝတ်နေကြတာပဲမို့လား။

ဦးမောင်မောင်တင် ။ ။ ဟုတ်ကဲ့ပါ။ ဟုတ်ပါတယ်။

ဦးကျော်ဇံသာ။ ။ ဆိုတော့ အဲဒီဟာမှာ အခုအခါမှာ တချို့ က ရခိုင်တချို့ ကို ကျနော် လေ့လာမိတာ တော့ သူတို့ ရိုဟင်ဂျာဆိုတာကိုတော့ သူတို့ သိပ်ပြီးမနှစ်သက်ကြဘူး။ ရိုဟင်ဂျာဆိုတာ အသစ်ဖန် တီးပြီးတော့ ဝင်လာတယ်။ ဘာညာဆိုပြီးတော့ ပြောကြတာရှိတယ်။ သူတို့ဖက်က။ ကမန်တွေက ရိုဟင်ဂျာ ဖြစ်သွားပြီးလား။ တချို့ က ကမန်ကိုလည်းပဲ ရိုဟင်ဂျာ စာရင်းထဲမှာ ထည့်ပြီးတော့ ပြနေ ကြတာ တွေ့ပါတယ်။ ကမန်တွေဟာ ရိုဟင်ဂျာဆိုတဲ့ သဘောကို ခံယူနေချင်ကြတဲ့ သဘောများရှိနေ သလား။

ဦးမောင်မောင်တင် ။ ။ အဲဒါတော့ ကျနော်တို့ ရခိုင်ပြည်တောင်းဘက်ပိုင်းမှာတော့ အထူးသဖြင့် ကျောက်ဖြူရယ်၊ ရမ်းဗြဲရယ်၊ သံတွဲရယ် ဒီနေရာမှာရှိတဲ့ လူတွေကြတော့ အခုနေ ကျနော်တို့ ရမ်းဗြဲမြို့ နယ်မှာကြတော့ ပိုပြီးတော့ ကင်းရှင်းတယ်။ လူစိမ့်ဝင်မှုဆိုတာလည်း ဘင်္ဂလားဒေ့ရ်ှက လူစိမ့်ဝင်မှု၊ နိုင်ငံရပ်ခြားက စိမ့်ဝင်မှု ဆိုတာ လုံးဝမရှိသလောက်ပါ။ နောက် ရိုဟင်ဂျာကိစ္စကလည်း ဒီ ရမ်းဗြဲကျွန်း တန်းမှာ ကျောက်ဖြူခရိုင်ရှိတယ်၊ ရမ်းဗြဲမြို့ နယ်ရှိတယ်၊ ကျောက်နီမော်အုပ်စုရှိတယ်။ ဒီဟာထဲမှာ လည်း ကျနော်တို့  ရိုဟင်ဂျာဆိုတာကိုလည်း လူတွေက ဘယ်လိုနည်းနှင့်မှ သူတို့က ရိုဟင်ဂျာကို လည်းပဲ သူတို့က သဘောလည်း မပေါက်ဘူး။ လက်လည်းမခံတဲ့လူတွေ ဖြစ်ပါတယ်။ ကျနော်တို့ ကိုယ်တိုင်ကလည်း ဒီလိုပါ။ ဘင်္ဂလီဆိုတာကတော့ ဝေးပေါ့။ ဘင်္ဂလီဆိုတာကတော့ ဒီနေရာမှာ ကျနော်တို့ ကျောက်နီမော်ဒေသ အနေနှင့် ဆိုရင်လည်း မောင်းတော၊ ဘူးသီးတောင်ဖက်က ဒီနေရာမှာ အခြေစိုက်ပြီးတော့ နေတာတွေ မရှိသလိုပါပဲ။ အမှန်အားဖြင့် ပြောရရင် လုံးဝမရှိတဲ့ အတိုင်း အတာပါ။

ဦးကျော်ဇံသာ ။ ။ ဆိုတော့ တချို့ ကလည်း ပြောတယ်။ အဲဒီလို ဘူးသီးတောင်၊ မောင်းတောဘက်က ဟိုဘက်က ဝင်လာတယ်လို့ ယူဆရတဲ့သူတွေကို ခရီးသွားလာခွင့်ပိတ်တယ်။ လက်ထပ်ထိမ်းမြားခွင့် တောင့်မှ ခွင့်ပြုချက် ယူရတယ်ဆိုတာတွေ လုပ်တယ်လို့ ပြောတယ်။ အဲဒီလို ဥပဒေမျိုး ဒီ ကမန်ဒေသ တွေ မှာကော လုပ်ခဲ့လား။ ကျောက်ဖြူတို့…

ဦးမောင်မောင်တင် ။ ။ အများကြီး လုပ်ခဲ့ပါတယ်။ အများကြီး အများကြီး လုပ်ခဲ့ပါတယ်။ ကျနော်တို့ ကိုယ်တိုင် ကိုယ်နှိုက်ကပဲ ၂၀၀၈ ခုနှစ်က ကျနော်တို့ မှတ်ပုံတင်ရှိတဲ့ ကမန်နိုင်ငံသားမှတ်ပုံတင်ရှိတဲ့ ကမန်တွေပဲ။ ၂၀၀၈ ခုနှစ်က ကျနော့်အမျိုးသမီး ဆေးကုဖို့သွားတဲ့ အချိန်တောင်မှ ကျနော်အမျိုးသမီး က အမတကဒ် ပေါ့နော်။ ပန်းရောင်သုံးခေါက်ချိုးပေါ့။ ကျနော်မှာတော့ နိုင်ငံသား စီစစ်ရေးကဒ် ရှိပါ တယ်။ အဲဒီအချိန်မှာ ကျနော်တို့ ဗီဇာတွေ ဘာတွေ ယူပြီးတော့ဘဲ သွားခဲ့ရတာ ရှိပါတယ်။

ဦးကျော်ဇံသာ ။ ။ အရင်တုန်းကတော့ အဲလို မရှိဘူးဗျာ။ ကျနော်တို့ ငယ်ငယ်တုန်းကတော့ အဲဒီ နိုင်ငံသား လက်မှတ်ကိုင်ပြီးတော့ ကျနော်တို့နှင့် လေယာဉ်ပျံ အတူတူစီးသွားတာ တက္ကသိုလ် သွားတက်ကြတာ ရှိတာပဲ။ အခုအဲလို မွစ်စလင်ဘာသာဝင် ရခိုင်ပြည်ထဲမှာဆိုရင် ကမန်ဖြစ်ဖြစ် ဘာဖြစ်ဖြစ် မသွားရဘူး။ လက်ထပ်ဖို့အတွက် ခွင့်ပြုချက်ယူရမယ်ဆိုတာ ဘယ်အချိန်မှာ စပြီးလုပ်ခဲ့ တာလဲ ခင်ဗျာ။

ဦးမောင်မောင်တင် ။ ။ အဲဒါတော့ နှစ်အားဖြင့် ကျနော်တွက်ကြည့်မယ်ဆိုရင်တော့ တော်တော်ကြာ ပါပြီဗျာ။ ၉၆ ခုနှစ်လောက်ကတင် ကျနော်တို့ ဒီ အသည်းအသန် ဖြစ်လာတယ်လို့ပဲ ကျနော် ထင်ပါ တယ်။

ဦးကျော်ဇံသာ။ ။ ဆိုတော့ အဲဒီဟာကြောင့်များ တင်းမာမှုကို ပိုမိုဖြစ်စေတယ်လို့ သဘော ဆိုနိုင်သ လား။

ဦးမောင်မောင်တင် ။ ။ အဲဒါတော့ နိုင်ငံရေးဘက်မှာ ကျနော်တို့ အခု ဖြစ်နေတဲ့ကိစ္စ ဒါနှင့်ပဲ ကျနော် ပတ်သက်တယ်လို့ မထင်ပါဘူး။ ဒါတော့ နည်းတစ်မျိုးမျိုးနှင့် ဘင်္ဂလီဆိုတာကို အကြောင်းပြပြီးတော့ ရိုဟင်ဂျာဆိုတာကို အကြောင်ပြုပြီးတော့ အကြမ်းဖက်ဝါဒတစ်ခုကို မင်းမိုက်စရိုက်ပုံစံမျိုးနှင့် လူမျိုးဘာ သာ ပြုန်းတီးအောင်၊ လူမျိုးတုန်းသတ်ဖြတ်နေတဲ့ ပုံစံမျိုး အကြမ်းဖက်နေတဲ့ ပုံစံမျိုးတခုလို့ ကျနော် မြင်ပါ တယ်။

ဦးကျော်ဇံသာ ။ ။ နောက်တစ်ခုက ဦးမောင်မောင်တင် ခင်များတို့ဘက်မှာတော့ ကျနော် သိပ်မကြား မိဘူး။ ဒါပေမယ့် ဟိုဘက်မှာလည်း ဒီ ရသေ့တောင်တို့၊ ဘူးသီးတောင် မောင်းတောတို့မှာ၊ အဲဒီဖက်မှာ တော့ ရှိတယ်။ နှစ်ဖက်လုံး လွန်ကျွံတာတွေရှိတယ်။ ဒါပေမယ့် ကျနော်က အဓိက ဒီနေ့ ဇောင်းပေးပြီး တော့ ဆွေးနွေးချင်တာ ကမန်တွေရဲ့  ပြဿနာ ဖြစ်ပါတယ်။ ဆိုတော့ ကမန်တွေဟာ ရိုဟင်ဂျာလို့ လည်း သူတို့ မခံယူဘူး။ အဲဒါကိုလည်း လက်မခံဘူး။ နှစ်ပေါင်းများစွာလည်း နေလာတယ်။ ဘာသာ ရေးကလွဲလို့ သူတို့မှာ ရခိုင်နှင့် ကွဲပြားစရာလည်း ဘာမှရှိဘူး။ ဦးမောင်မောင်တင်တို့နှင့် နှစ်ပေါင်းများစွာ အတူတူနေလာတဲ့ ရခိုင်တွေ၊ ဗုဒ္ဓဘာသာတွေ အထဲမှာကော ဦးမောင်မောင်တင်နှင့် အရင်တုန်းက ရင်းနှီးတဲ့ မိတ်ဆွေတွေ မရှိဘူးလား။

ဦးမောင်မောင်တင် ။ ။ အများကြီးပဲ ရှိပါတယ်။

ဦးကျော်ဇံသာ ။ ။သူတို့ ဘာလုပ်နေကြလဲ။ သူတို့နှင့် ဦးမောင်မောင်တင်နှင့် အခု မျက်နှာချင်းဆိုင် တွေ့ပြီး ပြောနိုင်တဲ့ အနေအထား ရှိပါသလား။

ဦးမောင်မောင်တင် ။ ။ ရှိတဲ့လူတွေကလည်း အများကြီးရှိတယ်။ မရှိတဲ့ လူတွေကလည်းကတော့  နည်းနည်း လေးပါ။

ဦးကျော်ဇံသာ ။ ။ ဟုတ်ကဲ့။ အဲဒီတော့ ရှိတဲ့လူတွေနှင့် ဆက်သွယ်ပြီးတော့ လုပ်လို့ မရနိုင်ကြဘူး လား။ ကျနော်တို့ အဖွဲ့အစည်းအတွင်းက။

ဦးမောင်မောင်တင် ။ ။ ရှိတဲ့သူတွေကိုလည်းပဲ ရခိုင်မျိုးချစ်စိတ်ဓာတ်ကို အတင်းအဓမ္မ လွန်စွာနေတဲ့ သူတွေက  ကျနော်တို့တွေ အစ္စလာမ် မွစ်စလင်တွေနှင့် ရင်းရင်းနှီးနှီးသူတွေတောင်မှ သူတို့တွေဟာ ရရာနေရာက ဒုက္ခပေးမယ်ဆိုလို့ အဲဒီလူတွေကိုယ်တိုင်တောင်မှ ထွက်ပြေးသွားတဲ့ လူတွေရှိတယ်။

ဦးကျော်ဇံသာ ။ ။ဦးမောင်မောင်တင်တို့ ကမန်တွေဖက်ကကော အဲဒီလို တင်းမာတဲ့ စိတ်ဓာတ်ရှိတဲ့သူ တွေ ရှိသလား။ ရှိကောရှိမှာပေါ့။

ဦးမောင်မောင်တင် ။ ။ မရှိပါဘူး။ ကျနော်တို့ လှိုက်လှိုက်လှဲလှဲ ကြိုဆိုပါတယ်။ အဲဒီလို ရင်းရင်းနှီးနှီးနှင့် နေလို့ရပါတယ်။

ဦးကျော်ဇံသာ ။ ။ အဲဒီလို တင်းမာတဲ့ သဘောထားရှိသူ မရှိဘူးပေါ့။

ဦးမောင်မောင်တင် ။ ။ မရှိပါ။ လုံးဝ လုံးဝ မရှိပါ။

ဦးကျော်ဇံသာ ။ ။ အဲဒီတော့ ကမန်လွှတ်တော်အမတ်ဆိုတဲ့ အမတ်ကကော။ သူက ဘာများ အခု ဆောင်ရွက်ပေးနိုင်သလဲ။

ဦးမောင်မောင်တင် ။ ။ အဲဒီပုဂ္ဂိုလ်ကတော့ သူကိုယ်တိုင်ပဲ သူ့မြို့ နယ်တစ်ခုလုံး ပြာကျသွားပြီ။ သူ့မြို့ နယ်တစ်ခုလုံး မရှိတော့ ရန်ကုန်မှာပဲ တိမ်ရှောင်ပြီးတော့ ထွက်ပြေးသွားပြီ။

ဦးကျော်ဇံသာ ။ ။ ဆိုတော့ ကျနော်တို့ ရှေ့ကိုမျှော်ပြီး ကြည့်ရအောင်။ ဒီလိုပဲ တစ်ယောက်ကိုတစ် ယောက် သတ်ဖြတ်ပြီးတော့ နေသွားကြတော့မှာလား။ ဘယ်လိုလို့ ငြိမ်းချမ်းရေး ရမလဲ။ ကျနော်တို့ ငြိမ်းချမ်းရေးရအောင် ဘယ်လို ဆက်ပြီးလုပ်သင့်တယ်လို့ ထင်ပါသလဲ။ ဦးမောင်မောင်တင်တို့ဖက်က။

ဦးမောင်မောင်တင် ။ ။ ငြိမ်းချမ်းရေးရအောင်ဆိုရင်တော့ ကျနော်တို့က အတူယှဉ်တွဲ   နေထိုင်ဖို့ အတွက်ကတော့ အငြိုးအတေးတွေ အာဃာတတရားတွေကို ထားပြီးတော့ လူသားဝါဒ ကျင့်သုံး နိုင်ရင်တော့ တရားဥပဒေ၊ စိုးမိုးရေးနှင့် တည်ငြိမ်အေးချမ်းသာယာရေးကို အမြန်ဆုံး  အကောင် ထည် ဖော်နိုင်ရင်တော့ ဒါက ကျနော်တို့ ရင်ဆိုင်နိုင်တာပဲ။

ဦးကျော်ဇံသာ ။ ။ အဲဒီတော့ ငြိမ်းချမ်းရေး တစ်နေ့ ရလာမယ်လို့ မျှော်လင့်ပါသလား။ ပြန်လည်ပြီး တော့ ရနိုင်တယ် ထင်သလား။

ဦးမောင်မောင်တင် ။ ။ ငြိမ်းချမ်းရေးဆိုတာက နိုင်ငံတော်အစိုးရက ဥပဒေတရား စိုးမိုးရေးနှင့်  တည်ငြိမ်အေးချမ်းသာယာရေးကို အမြန်ဆုံး အကောင်ထည်ဖော်သင့်တယ်။ ဒါကတော့ ဒီလူတွေဟာ အရင်လည်း ဒီလူမျိုးတွေ၊ ဘာသာမတူတဲ့ လူမျိုးတွေ၊ ဘာသာတူတဲ့ လူမျိုးဖြစ်ဖြစ်၊ လူမျိုးဘာသာ မတူတဲ့ လူတွေက အများကြီးဘဲ ကမ္ဘာပေါ်မှာ နေနေကြတာ။

http://burmese.voanews.com/content/news-analysis-kaman-group-crisis/1537088.html