Monday, 3 December 2012

စုံစမ်းစစ်ဆေးရေးကော်မရှင် ပြင်ဆင်ဖွဲ့စည်းခြင်း


နိုင်ငံတော်သမ္မတရုံးမှ
အမိန့် ကြော်ငြာစာ အမှတ်(၉၅/၂၀၁၂)
စုံစမ်းစစ်ဆေးရေးကော်မရှင် ပြင်ဆင်ဖွဲ့စည်းသည့် အမိန့် ထုတ်ပြန်လိုက်သည်။

ကော်မရှင် ဥက္ကဌမှာ ဒေါ်အောင်ဆန်းစုကြည်ဖြစ်ပြီး အဖွဲ့ဝင် စုစုပေါင်း (၁၆) ဦးပါဝင်သည်။ အတွင်းရေးမှူးမှာ မြန်မာနိုင်ငံလူ့အခွင့်အရေးကော်မရှင်မှ ဦးကျော်တင့်ဆွေ ဖြစ်သည်။
ကော်မရှင် ဆောင်ရွက်ရမည့် လုပ်ငန်းတာဝန်များကို အောက်ပါအတိုင်း ဖော်ပြ ထားသည်-

(၁) ကြေးနီစီမံကိန်းအား သဘာဝပတ်ဝန်းကျင်ထိန်းသိမ်းရေးအတွက် နိုင်ငံတကာ ပြဌာန်းချက် များ၊ ဆောင်ရွက် သင့်သည့်နည်း ပညာများ အသုံးပြု၍ စနစ်တကျ ဆောင်ရွက်ခြင်း ရှိ-မရှိ။

(၂) ကြေးနီစီမံကိန်းကြောင့် လူမှုပတ်ဝန်းကျင်နှင့် သဘာဝပတ်ဝန်းကျင်အပေါ် ကောင်းကျိုးနှင့် ဆိုးကျိုးသက်ရောက်မှုများ။

(၃) ကြေးနီစီမံကိန်းဆောင်ရွက်ခြင်းကြောင့် နိုင်ငံတော်အတွက် အကျိုး ရှိ-မရှိ။

(၄) နိုင်ငံဖွံ့ဖြိုးတိုးတက်ရေးနှင့် ဥပဒေစိုးမိုးရေးဆိုင်ရာ အကြံပြုချက်များ။

(၅) ၄င်းစီမံကိန်းနှင့် ဆက်နွယ်၍ စိစစ်ရန် လိုအပ်သည်ဟု ကော်မရှင်က ယူဆသော အကြောင်းအရာများ။

(၆) ကော်မရှင်၏ အထွေထွေသုံးသပ်တင်ပြချက်နှင့် အကြံပြုချက်များ။

ကော်မရှင်သည် လိုအပ်ချက်ရှိလျှင် လုပ်ငန်းကျွမ်းကျင်သူများ၊ အသိပညာရှင် အတတ်ပညာရှင်များကို နိုင်ငံတော်သမ္မတရုံး၏ စီစဉ်ပေးမှုဖြင့် တာဝန် ပေးအပ်နိုင်ကြောင်း ဖော်ပြထားသည်။

ကော်မရှင်၏ ကြားဖြတ်အစီရင်ခံစာကို ၂၀၁၃ ခုနှစ် ဇန်နဝါရီလ ၃၁ ရက်နေ့ အရောက် နိုင်ငံတော်သမ္မတထံ တင်ပြပြီး ထိုအစီရင်ခံစာပေါ်မူတည်ပြီး ဆက်လက်ဆောင်ရွက်ရန် ဖော်ပြထားသည်။

Read More=> နိုင်ငံတော်သမ္မတရုံးဝက်ဘ်ဆိုက်

Link http://www.president-office.gov.mm/zg/briefing-room/news/2012/12/03/id-1886

No comments:

Post a Comment