သမ္မတဦးသိန်းစိန်၏ ရခိုင်အရေးနှင်ပတ်သက်ကာ ပြောကြားချက်

by The Voice Weekly on Wednesday, November 21, 2012 at 11:03am ·

“အကျည်းတန်အရုပ်ဆိုးတဲ့ ရာဇ၀တ်မှုပေါ်မှာ အခြေခံပြီးတော့ လူအုပ်စု ၂ခုက ခုနကလို တလှည့်စီ လက်စားချေကြ တိုက်ခိုက်ကြ သတ်ဖြတ်ကြ မီးရှို့ကြနဲ့ ဒီလိုတွေဖြစ်ပွားတာ ဖြစ်ပါတယ်”

သမ္မတဦးသိန်းစိန်သည် ဖနွမ်းပင်ရောက်သတင်းသမားများနှင့် ယနေ့ နံနက် ၉ နာရီခန့်တွင် ဖနွမ်းပင်ရှိ ကမ္ဘောဒီးယားနားဟိုတယ်တွင် တွေ့ဆုံခဲ့ပြီး ရခိုင်အရေးနှင့်ပတ်သက်ကာ (၂၁)ကြိမ်မြောက်အာ ဆီယံ အစည်းအဝေးတွင် မြန်မာနိုင်ငံအနေနှင့်ဆွေးနွေးခဲ့နိုင်မှုများကို သမ္မတဦးသိန်းစိန် ပြည် လည်ပြောပြ ချက်များမှ ကောက်နုတ်ဖော်ပြထားခြင်းဖြစ်ပါသည်။

“ရခိုင်ပြည်နယ် ပဋိပက္ခ က လူမျိုးရေးနဲ့ ဘာသာရေးကို အခြေခံပြီးတော့ ဖြစ်တာ မဟုတ်ပါဘူး။ အကျည်းတန်အရုပ်ဆိုးတဲ့ ရာဇ၀တ်မှုပေါ်မှာ အခြေခံပြီးတော့ လူအုပ်စု ၂ခုက ခုနကလို တလှည့်စီ လက်စားချေကြ ပြုကြ တိုက်ခိုက်ကြ သတ်ဖြတ်ကြ မီးရှို့ကြနဲ့ ဒီလိုတွေဖြစ်ပွားတာ ဖြစ်ပါတယ်။ သေဆုံးတဲ့အရေအတွက်ကလည်း ဟိုတစ်နေ့က မြန်မာနိုင်ငံမှာ ဘုန်းကြီး ရဟန်းတွေ လျှောက်တဲ့ အတိုင်းပါပဲ။ မှန်မှန်ကန်ကန်သိအောင် ရှင်းပြခဲ့ပါတယ်။ ရာဇ၀တ်မှုတစ်ခုအပေါ်မှာ မကျေနပ်တဲ့အတွက်ကြောင့် အစပျိုးပြီးတော့ ဒီကနေ စတင်ဖြစ်လာတာ ဖြစ်ပါတယ်။



သို့သော်လည်းပဲ ဒီလိုရာဇ၀တ်မှုတစ်ခုပေါ်မှာ အခြေခံပြီးဖြစ်ပေမယ့်လည်း ကိုးကွယ်တဲ့ဘာသာမတူညီကြတဲ့ လူမျိုးစု အချင်းချင်း၊ လူမျိုးချင်းမတူကြတဲ့အတွက် လူမျိုးစုအချင်းချင်း၊ ဒီအချင်းချင်းတွေဟာ ပဋိပက္ခ အခြေအနေဆောင်သွားပြီး နည်းနည်းကျယ်ပြန့်သွားတဲ့ သဘောဖြစ်ပါတယ်။ ဒီလိုကြီးမားကျယ်ပြန့်သွားအောင်လည်း ခုနကလို လူမျိုးစွဲ၊ ဘာသာစွဲပြင်းထန်တဲ့ ပြည်တွင်းက တချို့ရဲ့ မြှောက်ပင့်သွေးထိုးပေးမှုတွေ၊ ပြည်ပကနေ ဒါတွေကို မဟုတ်မမှန်သတင်းတွေ လုပ်ကြံပြီးတော့ လွှင့်မှု။ ဒါတွေကို ခင်ဗျားတို့လည်း သိပါတယ်။ တိဗက်တို့ ဘာတို့မှာ ငလျင်လှုပ်တုန်းက အတုံးအရုန်းနဲ့ သေကြ ပြုကြတဲ့ ပုံတွေကို အင်တာနက်တွေထဲမှာ လွှင့် ပြီးတော့မှ ရခိုင်ပြည်နယ်မှာ ဒီလိုသေနေပါတယ် ဒါမျိုးတွေ လုပ်လိုက်တဲ့အတွက်ကြောင့် အတော်လေးကို ဂယက်၇ိုက်သွားပါတယ်။ ပြည်တွင်းကလည်း လူမျိုးစွဲစိတ်ဓာတ်ပြင်းထန်တဲ့သူတွေ ဘာသာစွဲ စိတ်ဓာတ်ပြင်းထန်တဲ့သူတွေ ဒီလူတွေရဲ့ သွေးထိုးမှုတွေ ဒါတွေလည်း ပါ ပါတယ်။ အဆိုးဆုံးကတော့ ပြည်ပကနေ မဟုတ်မှန် သတင်းတွေ လွှင့်တဲ့အတွက်ကြောင့် မူဆလင်နိုင်ငံ အတော်များများဟာ ဒီကိစနဲ့ ပတ်သက်ပြီး တော်တော်လေး ကျွန်တော်တို့အပေါ်မှာ ယုံမှားသံသယတွေဖြစ်ပါတယ်။

တချို့ဆိုရင် ဆန္ဒတွေဘာတွေ ပြကြ ပြုကြနဲ့ ။ သံရုံးတွေက လုံခြံရေးတွေပါ ဒါတွေဟာ အင်မတန်မှ ဂရုစိုက်ရတဲ့ အနေအထားမှာ ရှိပါတယ်။ အီဂျစ်တို့ဘာတို့ဆိုရင် သံရုံးက မိသားစုဝင်တွေ ဘာတွေ အသက်အနရယ်ရှိလို့ ခေါ်ထားရတာတွေ ဘာတွေ ရှိပါတယ်။

ဒီအစည်းအဝေးမှာ ၇ခိုင်ပြည်နယ်အကြောင်းကို ကိုယ့်နိုင်ငံဘက်ကနေပြီးတော့ ရှင်းပြနိုင်တဲ့အခွင့်အရေး ကျွန်တော်တို့ ရရှိခဲ့ပါတယ်။ လူ့အဖွဲ့အစည်း ၂ခု ရာသက်ပန် အတူယှဉ်တွဲ နေထိုင်နိုင်ဖို့ အခြေခံအားဖြင့် ကျွန်တော်တို့ ဘာတွေ လုပ်ရမလဲ။ အခြေခံအားဖြင့် ကျွန်တော်တို့ Mind set တွေကို ပြောင်းသွားဖို့ လိုပါ တယ်။ လူသားချင်းစာနာတဲ့ လူသားချင်းထောက်ထားတယ်ဆိုတဲ့ စိတ်ဓာတ်မျိုးတွေကို ကျွန်တော် တို့ ပြောင်းသွားအောင် လုပ်ဖို့လိုပါတယ်။ နောက်တစ်ခုက ဒီဒေသတွေမှာ ပညာရေးနဲ့ပတ်သက်ပြီး အလွန် နိမ့်ကျပြီး ပညာေ၇းနဲ့ပတ်သက်ပြီး အဆင့်အတန်းတွေ မြှင့်ပေးဖို့ လိုပါတယ်။ ပညာေ၇းနဲ့ပတ်သက်ပြီး အဆင့်အတန်းတွေ မြှင့်ပေးမှ လူတွေရဲ့ အသိစိတ်ဓာတ်တွေ ပိုပြီး မြင့်မားလာမှာဖြစ်ပါတယ်။ အသိစိတ်ဓာတ်တွေ တိုးတက်လာမှ ပတ်ဝန်းကျင်နဲ့ လိုက်လျောညီထွေဖြစ်အောင် နေနိုင်ကြမှာ ဖြစ်တယ်။
နောက်တစ်ခုက အလုပ်အကိုင် အခွင့်အလမ်းတွေ တော်တော်လေး လိုပါတယ်။အလုပ်အကိုင်အခွင့်အလမ်းနဲ့တော့ လူဆိုတာ ဆင်းရဲနေတဲ့အတွက် နေရင်းထိုင်ရင်းနဲ့ကို ဒေါသတွေ ဖြစ်နေတာ။ ဒါကြောင့် အလုပ်အကိုင် အခွင့်အလမ်းတွေ ရရှိအောင် အခြေခံအားဖြင့် ဒါတွေ လုပ်ပေးဖို့လိုတယ်။ အဲ့မှာ ရှိနေတဲ့ လွတ်လပ်ရေး ရပြီးနောက်ပိုင်းပေါ့လေ။ တချို့ အဲ့မှာ အိမ်ထောင်စုတွေ ဆိုရင် အိမ်ထောင်စု တစ်စုတည်းနဲ့တင် လူ ၇၀၊ ၈၀ လောက်ရှိပါတယ်။ ဒါတွေနဲ့ပတ်သက်ပြီး ပညာပေးရမယ့် အပိုင်းတွေ ဒါတွေဟာ ကမာ့ရဲ့ စံချိန်စံညွှန်းတွေနဲ့ အညီပေါ့။ ဒါတွေ ကျွန်တော်တို့ လုပ်ရမယ့်ကိစတွေ ။ ဒီကိစတွေဟာ ကျွန်တော်တို့ ကြီးပဲ ကြိုးစားပြီးတော့ လုပ်နေတယ်။ ဒါပေမဲ့ ခုနကလို ပတ်ဝန်းကျင်နိုင်ငံတွေကပါ ၀င်ပြုပြီးတော့ ကျွန်တော်တို့ကို ကူညီကြ၊ ပြုကြမယ်ဆိုရင် အခြေအနေကောင်းကို ကျွန်တော်တို့ မြန်မြန်ဆန်ဆန်နဲ့ ရောက်ရှိနိုင်မယ်လို့ ဒါလေးတွေ ကျွန်တော်ရှင်းပြခဲ့ပါတယ်။

ဒီကနေ့ဆိုရင် မီးလောင်ပျက်စီးဆုံးရှုံးတဲ့အတွက်ကြောင့် အိုးမဲ့အိမ်မဲ့ဖြစ်တဲ့ လူဦးရေ တစ်သိန်းနဲ့ တစ်သောင်းကျော်လောက်၇ှိပါတယ်။ တစ်ယောက်နဲ့တစ်ယောက် မီးရှို့ကြ ပြုကြနဲ့ဆိုတော့ မီးလောင်ရင် တစ်အိမ်ထဲလောင်တာမဟုတ်ဘူးလေ။ ဘေးကအိမ်တွေကိုပါ အကုန်ကူး စက်ပြီးတော့ လောင်မှာ ပြုမှာ ဆိုတော့ ဒီအိမ်တွေ မီးလောင်တဲ့အတွက်ကြောင့် အိုးမဲ့အိမ်မဲ့ဖြစ်ပြီးတော့ ဒီကနေ့ ကျွေးမွေးထားရတဲ့ အတိဒုကရောက်နေတဲ့သူတွေ တစ်သိန်းကျော်ကျော်လောက်၇ှိပါတယ်။ တစ်လ တစ်လကို ဒေါ်လာတစ် သန်းလောက်ကုန်ပါတယ်။ အဲ့တော့ ဒီလူတွေကို ယာယီအသက်ရှင် နေထိုင်နိုင်ရေးအတွက် သူတို့ကို ကျွေးမွေးထားဖို့၊ ယာယီခိုလှုံနိုင်ဖို့ ၊ အဆောက်အဦးတွေ ဆောက်ဖို့ အမြဲတမ်းနေနိုင်ဖို့အတွက် အဆောက်အအုံတွေ ဆောက်ပေးဖို့ အလုပ်အကိုင်အခွင့်အလမ်းတွေ ရအောင်လို့ လုပ်ပေးဖို့အတွက် ပြန်လည်ထူထောင်ရေးလုပ်ငန်းတွေ ဒါတွေလုပ်ဖို့အတွက် ကျွန်တော်တို့တွက်ထားတာ အနည်းဆုံး ဒေါ်လာ ၆၅ သန်းလိုပါတယ်။

ဒါကြောင့်မလို့ ဒီဒေသနဲ့ ပတ်သက်ပြီးတော့ အစိုးရ၊ နောက် စေတနာထက်သန်တဲ့ ကျွန်တော်တို့ရဲ့ ပြည် သူတွေ မြန်မာနိုင်ငံမှာ ရှိနေတဲ့ UN က လူတွေ၊ ဌာနေအဖွဲ့အစည်းတွေ၊ ဒီအဖွဲ့အစည်းအတွေရဲ့ အကူအညီနဲ့ ဒါတွေကို ၀ိုင်းဝန်းပြီးတော့ ဆောင်ရွက်နေတာ ရှိပါတယ်။အဲ့ဒါအပြင် တခြား နိုင်ငံတွေထဲက တစ်နိုင်ငံချင်းအလိုက် သူတို့ရဲ့အထောက်အပံ့အကူအညီတွေ ကျွန်တော်တို့ရယူနေတာတွေလည်း ရှိပါတယ်။ ဥပမာ မလေးရှားဆိုရင်လည်း သဘောင်္နဲ့ ဘာနဲ့ပို့ပေးပြီးတော့မှ အစားအသောက်တွေ၊ အသုံးအဆောင်တွေ ဒါတွေ ပို့ပေးတာ ရှိပါတယ်။ အင်ဒိုနီးရှားက ကြက်ခြေနီဆိုရင်လည်း ကူညီကယ်ဆယ်တဲ့ ပစ္စည်းတွေ ပို့ပေးနေတာတွေ ရှိပါတယ်။ အလားတူပဲ တူရကီတို့ဘာတို့ကလည်း ပို့ပေးနေတာတွေ ရှိပါတယ်။ တစ်နိုင်ငံချင်းပို့ပေးတဲ့ အကူအညီတွေ ဒါတွေကိုလည်း ကျွန်တော်တို့ ရယူနေပါတယ်။
သို့ပေမယ့်လည်း မူဆလင်အဖွဲ့အစည်းဖြစ်တဲ့ OIC အနေနဲ့ကတော့ ဒါကို International Issue တစ်ခုလိုမျိုးဖြစ်အောင် လုပ်မယ့်သဘောမျိုးတွေ တွေ့ပါတယ်။ အဲ့တော့ဒီအဖွဲ့အစည်းက ပုဂိုလ်အချို့ကလည်း ကျွန်တော်တို့ ခုနကလို ခေါ်ပြီးတော့မှ ဒီအဖြစ်အပျက်တွေကို မှန်မှန်ကန်ကန်နဲ့သိအောင် ဆိုပြီးတော့ ရခိုင်ပြည်နယ်ဘက်ကိုလည်း ပို့လွှတ်ပေးတာတွေ ရှိပါတယ်။ သို့သော်လည်းပဲ OIC အနေနဲ့ ဒီကိစကို International Issue တစ်ခုအနေနဲ့ UNမှာ agenda တစ်ခုအနေနဲ့ ပါလာအောင် ကျွန်တော်တို့ လုပ်ဖို့ UN ရဲ့ လူ့အခွင့်အရေးဆိုင်ရာနဲ့ ပတ်သက်ပြီး မြန်မာနိုင်ငံအပေါ်မှာ ဖိအားပေးတဲ့လုပ်ရပ်တွေလုပ်ဖို့ ကြိုးစားပြီးဆောင်ရွက်နေတဲ့အတွက်ကြောင့် ဒါတွေကို ချေဖျက်နိုင်ဖို့အတွက်လည်း အစွမ်းကုန်ကျွန်တော်တို့ လုပ်နေရတာတွေ ရှိပါတယ်။ UN အနေနဲ့လည်း ကုလသမဂအထွေထွေအတွင်းရေးမှူးချုပ် ၂ ကြိမ် ၃ ကြိမ်လောက် ရောက်ဖူးတဲ့အတွက်ကြောင့် ပုဂိုလ်ရေးလည်း ရင်းနှီးနေတာကြောင့် သူ့ဆီကို ကျွန်တော်တို့ စာတွေဘာတွေ ရေးပြုပြီးတော့မှ ဖြစ်ရပ်အမှန်တွေကို ရှင်းလင်းပြထားတာတွေ ရှိပါတယ်။ နောက်တစ်ခါ ဒေသတွင်းမှာ ရှိနေတဲ့ မူဆလင်ဘာသာဝင်တွေ အများစုကိုးကွယ်တဲ့ နိုင်ငံတစ်ခုဖြစ်တဲ့ အင်ဒိုနီးရှားလို နိုင်ငံမျိုး၊ အင်ဒိုနီးရှားဟာဆိုရင် သမ္မတကြီး လုပ်ဖော်ကိုင်ဖက်ဖြစ်တဲ့အတွက်ကြောင့် ဘာပဲဖြစ်ဖြစ် ဒီကိစ္စနဲ့ပတ်သက်ပြီးတော့ မြန်မာနိုင်ငံဘက်ကနေ အများကြီး ရပ်တည်ပေးပါတယ်။

နောက်တစ်ခါ ဘရူနိုင်းဆိုလို့ရှိရင် အလားတူပါပဲ။ ကျွန်တော်တို့ နိုင်ငံအပေါ်မှာ ထောက်ခံအားပေးနေ တာ ဖြစ်ပါတယ်။ သူတို့ပြသနာဖြစ်တာကို သူတို့အနေနဲ့လည်း ဘာသာရေးကြောင့် ဖြစ်တယ်။ လူမျိုးရေးကြောင့် ဖြစ်တယ်။ အလားတူ မလေးရှားနိုင်ငံဆိုလို့ရှိရင်လည်း ၀န်ကြီးချုပ်နဲ့ ပုဂိုလ်ရေး ရင်းနှီးနေကြတော့ ၀ိုင်းပြုပြီးတော့ ကူညီတာတွေ ရှိပါတယ်။ သို့သော်လည်းပဲ တချို့ ခုနကလို ဘာသာရေးအစွဲအလမ်းပြင်းထန်တဲ့ ဆန္ဒပြတာတွေ ဒါတွေ ရှိပါတယ်။ ဒါတွေကိုလည်း ကျွန်တော်တို့ကျေပျက်အောင် ၀ိုင်းဝန်းပြီးတေ့ာ ဆောင်ရွက်နေရတဲ့အနေအထားရှိပါတယ်။ Reginal မှာရော East Asia မှာ ရော မှန်မှန်ကန်ကန်နဲ့ သိနိုင်အောင် ဆိုပြီးတော့ ဒါလေးတွေကို ဒီအစည်းအဝေးမှာ ရှင်းပြနိုင်တဲ့အခွင့်အရေးတစ်ရပ် ကျွန်တော်တို့ ရရှိခဲ့ပါတယ်။