2012-09-26
တရားရုံးတွေမှာ လာဘ်ပေး လာဘ်ယူမှုတွေ ဆက်လက် ဖြစ်ပေါ်နေပါက ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီအနေနဲ့ လွှတ်တော်ဥက္ကဋ္ဌထံ တင်ပြပြီး သက်ဆိုင်ရာ တရား ရုံးတွေကို အရေးယူ အပြစ်ပေးနိုင်အောင် ဆောင်ရွက်သွားမှာ ဖြစ်တယ်လို့ ကော်မတီဝင် တစ်ဦးဖြစ်တဲ့ သင်္ကန်း ကျွန်းမြို့နယ် ပြည်သူ့လွှတ်တော် ကိုယ်စားလှယ် ဦးသိန်းညွန့်က ဒီကနေ့ ပြောကြားလိုက်ပါတယ်။
၂၀၁၂ ခုနှစ် စက်တင်ဘာလ ၂၆ ရက်က
ရန်ကုန်အရှေ့ပိုင်းခရိုင် တရားရုံးတွင် တရားဥပဒေစိုးမိုးရေးနှင့်
တည်ငြိမ်အေးချမ်းရေး ကော်မတီဝင် ဦးသိန်းညွန့်က သတင်းထောက်များနှင့်
တွေ့ဆုံပြောကြားနေစဉ်။
"ဒီမှာ လာဘ်ပေး လာဘ်ယူကို
တရားခွင်စာရင်းကအစ မတရားဖြစ်တာတွေကို ဥပဒေနဲ့အညီ လာဘ် မယူဖို့ နိုးဆော်တယ်၊
တိုက်တွန်းတယ်၊ ထိန်းညှိကူညီမယ်။ အဲဒီဟာကို ရှေ့ဆက်လုပ်ရင်တော့
ဒီကနေ့ ကစပြီးတော့ပေ့ါဗျာ။ အရေးယူဆောင်ရွက်ဖို့ ရှိပါက ကျွန်တော်တို့
တာဝန်ပေးတဲ့ အတိုင်း ပြည်သူ့ လွှတ်တော်ဥက္ကဋ္ဌ မှတဆင့် လွှတ်တော်ကို တင်ပြမယ်။
ဒါကတစ်ပိုင်း။ တစ်ပိုင်းကလည်း တရား ဥပဒေနဲ့အညီလုပ်ရင် ရုံးနဲ့ပတ်သက်ပြီး
ကူညီနိုင်သမျှ ကျွန်တော်တို့ ကူညီမယ်။ ဥပမာ ဘတ်ဂျက် ကိစ္စကအစ အပါအ၀င်"
တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီ အတွင်းရေးမှူး ဦးဝင်းမြင့်နဲ့အဖွဲ့ ရန်ကုန် အရှေ့ ပိုင်းခရိုင် တရားရုံးကို ဒီကနေ့ သွားရောက်လေ့လာစဉ်အတွင်း ဒေသတွင်းက တရားရေးနဲ့ ပတ်သက်လို့ အဂတိ လိုက်စားမှုခံနေရတဲ့ ပြည်သူတွေက တရားရုံးကို လာရောက်ပြီး တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီအဖွဲ့နဲ့ တွေ့ဆုံခဲ့ကာ အဂတိလိုက်စားမှုနဲ့ မိမိတို့ မတရားခံရတဲ့ အဖြစ် အပျက်တွေကို အချက်အလက်တွေနဲ့တကွ တိုင်ကြားခဲ့ကြတယ်လို့လည်း သိရပါတယ်။
http://www.rfa.org/burmese/news/rule-of-law-committee-court-09262012105540.html
No comments:
Post a Comment