မောင်ယဉ်ကျော်-မန္တလေး(မြစ်မခ)
သြဂုတ် ၁၃ရက် ၊၂၀၁၂ ခုနှစ်။
မန္တလေးတိုင်းဒေသကြီး၊အောင်မြသာဇံမြို့နယ် ညောင်ကွဲရပ်ကွက်အနီး ဧရာဝတီမြစ်ကမ်းနဘေးတွင် နံနက် (၉)နာရီအချိန်က ပေါက်ကွဲမှုတစ်ခု ဖြစ်ပွားခဲ့ကြောင်း သိရသည်။
အဆိုပါပေါက်ကွဲမှုတွင် အသေအပျောက်မရှိခဲ့သော်လည်း ကလေး(၂)ဦးဒဏ်ရာရရှိသွားကြောင်း၊ သိရှိရ သည်။
'' အသေအပျောက်တော့မရှိဘူး။ အမှိုက်ကောက်တဲ့ကလေး နှစ်ယောက်ထိခိုက်တယ်။ (၄)နှစ်အရွယ် တစ်ယောက်က နား၊နှာခေါင်း၊ လည်ချောင်းဆေးရုံမှာ တင်ထားရတယ်၊တစ်ယောက်က လက်မောင်း ထိသွားတယ် '' ဟု ညောင်ကွဲရပ်ကွက်အနီးတွင် နေထိုင်သူကိုဝင်းကိုက ပြောသည်။
ယင်းပေါက်ကွဲမှုနှင့် ပတ်သက်၍ အမှတ်(၄) ရဲစခန်းမှ တာဝန်ယူစစ်ဆေးနေဆဲဖြစ်ကြောင်း အဆိုပါ ရဲစ ခန်းက တာဝန်ရှိသူတစ်ဦးက အတည်ပြုပြောကြားသည်။
No comments:
Post a Comment